1. Sherin Moghazy

    Sherin Moghazy محرر

    الإعجابات المتلقاة:
    6
    نقاط الجائزة:
    8
    الجنس:
    أنثى

    افكار اعمال يدوية بسيطة للبنات

    الموضوع في 'منتدى الأشغال اليدوية' بواسطة Sherin Moghazy, بتاريخ ‏15 ابريل 2015.

    الاعمال اليدوية عالم كبير و اكتر ناس بتحبة هى البنات علمي بنتك ازاي تكون مدبرة ومبتكرة
    و تفكر برة الصندوق علميها يكون ليها ستايل خاص بيها و مميز و طبعا مفيش احسن من البنات فى الذوق و الاختيار و تناسق الالوان واليكي عزيزتي الام مجموعة جميلة و بسيطة جدا من الافكار الي ممكن تعلميها لبنتك و تساعديها فى عملها و اتمنى تعجبك :


    اسورة من اللؤلؤ وشريط الستان.JPG

    عمل اسورة من احجار اللؤلؤ و الستان كل الي حاتحتاجيه شريط ستان و كمية من احجار اللؤلؤ و ابرة ملضوم فيها خيط و حاتبتدى اللؤلؤ مع شريط الستان زي الصورة و لما تخلصي تربطي فى نهاية الطرفين علشان متفكش منك ولما تتلبس تربطي الفيونكة فكرة بسيطة وسهلة

    اسورة من غطاء الكانز و شريط الستان.jpg

    عمل اسورة من غطاء الكانز الي بترمية كل مرة بتستخدمي كانز ممكن تعملي بيه اسورة و كل الى حاتحتاجيه شريط ستان باللون الي تحبيه و عدد من الاغطية يناسب مقاس ايدها و تدككى الشريط فى الاغطية زى الصورة و فى الاخر اربطى عقدة من الجانبين علشان ميفكش منك فكرة مبتكرة جدا

    تجديد شكل الحذاء بالدانتيل.jpg

    الفكرة دي مش بس لبنتك لاء لاي حذاء قديم عندك او مش عاجبك لونه بتجيبي قماش دانتيل
    و علبة غراء ابيض و تلصقي الدانتيل عن طريق الغراء على الحذاء زي الصورة و تقصي الزيادة
    و بعد كدة تسيبة ينشف مدة و خلاص اصبح عندك حذاء جديد و شيك و مميز

    ستارة قلوب من ورق اللوحات المقوى.jpg

    الحائط فى غرفة بنتك فاضى و عاوزة تحطي علية حاجة تديلة جمال و تخلية مميز هاتي اوراق اللوحات الملون وقصيها على شكل قلوب او اى شكل تحبة بنتك و هاتي قطعة خشب عادى او وزرة ابلاكاش و ادهينيها باللون الى تحبية و اخرميها بالشنيور عند النجار و هاتى خيط قوى من بتاع الصيد و ابتدي تدككي القلوب زى الصورة بالوان مختلفة و اصبح عندك ستارة تحفة لغرفة بنتك و الاجمل انها تنفيذها هى

    سكوة للقلم من القماش.jpg

    بنتك عاوزة يبقى عندها قلم مميز هاتي قماش بلونين واكسى القلم الجاف بتاعها بالقماش بعد لصقه بالغراء او الصمغ و كرة البونبون اللبنى بتقصى من القماش شرايط بنفس السمك و الطول وتخيطيه كله مع بعض من المنتصف كويس وبعد كدة تلصقي الكرة بالصمغ او الغراء كويس وتسيبيه ينشف كويس قبل الاستخدام

    شنطة من قماش الستان او الجلد.jpg

    ماسك للعب.jpg

    وقت اللعب لازم يكون فيه فكرة جديدة و جميلة هاتي اطباق الفوم الكبيرة و قصي مكان العينين و الانف و الفم من اي صورة في اي مجلة للشخصية الى تعجبها و زوقيها كما بالصورة او على حسب ذوقك الخاص و العبي انتى وبنتك لعبة جديدة

    مجسم لاول حرف من اسم الطفل.jpg

    فكرة رائعة و مميزة لحجرة بنتك هاتي لوحة ملونة و ارسمي عليها اول حرف من اسمها بالانجليزي بالشكل المجسم و بالحجم الي تحبيه و الصقي الحرف كله بالاحجار و الزراير الملونة و الغراء القوى و بعد ان يجف تماما قصي حول الحرف المجسم جيدا لكن بحذر و علقيه على حائط فى غرفتها

    محفظة او بوك من القماش.jpg

    بنتك عاوزة محفظة او بوك او حتى مقلمة الفكرة التحفة دى تنفع جدا هاتي قطع من القماش اكتر من لون و قصيه بالحجم الى تحبه وخيطيه زي الصورة ممكن تضيفي لمساتك و ذوقها الخاص و لو تحب تعمل ماسكة للمحفظة زي الصورة و لا لاء كله يعتمد على ذوقها الشخصي الصورة مجرد فكرة و هى تشغل روح الابتكار

    معلقة من حروف اسم الطفل من الفوم.jpg

    عاوزة اسم بنتك تكتبيه على حائط الغرفة كله ...... بسيطة هاتي حروف من الفوم كبيرة الحجم الموجودة فى العاب الاطفال و الصقي عليه ورق جلاد ملون حسب زوقك و اربطي كل حرف بشريط ستان مختلف و علقيهم على مسافات و ارتفاعات مختلفة على الحائط و ممكن تضيفي صورة لبنتك و هي بيبي بالابيض و الاسود زي الصورة او تكتفي بالحروف انتى و ذوقك الخاص
     
    آخر تعديل بواسطة المشرف: ‏15 ابريل 2015

مشاركة هذه الصفحة